VANLALTLANA                                      (6.8.1921 – 22.1.2011)                                       VUI PROGRAMME                                    A hun : 23th Jan. 2011 (Pathian Ni) 12:00 Noon                                     Vuitu : Pastor K.Rolungmuana                                Thusawi : Chhungkaw aiawh                                        Hla : "Ka sual rit tak phurh leh lei ninawm hi" (KHB : 367)                                Hunserh : Upa K.Darkunga A CHANCHIN: Pian leh murna: Vanlaltlana hi ni 6.8.1921 khan Durtlang Mel-8 (Selesih) ah a piang a. A pa Upa Zakhuma (L), a nu Saplutthangi (L) te an ni. Chawngzikpuii (Kawngi) nen kum 1946 ah an innei a. 1967 ah Rambuai avangin Durtlang ah hruaikhawm an ni. Pathian malsawmna in fa pakua- mipa pathum leh hmeichhia paruk a nei a, tu 24 leh tuchhuan 17 a nei bawk. A fate: 1. Thanzauva (L) 2. Biakthangi w/o Rozika (L), Durtlang Dawrkawn 3. Thangchhuana h/o Larinchhani, Vanzau 4. Rev.Lalramliana Pachuau h/o Lalroluahi, Shillong 5. Lalsangliani Pachuau w/o Pakunga, Leitan Ramthar 6. Lalnuntluangi (L) w/o Lalfakzuala, Leitan Ramthar 7. Zaihmingi w/o Lalremsiama Ralte, Leitan Ramthar 8. Lalmuankimi (L) 9. Lalmuanpuii w/o Laltanpuia, Leitan Ramthar                Vanlaltlana hian pianpui unau pakua a nei a, a farnu, Pi Lalhmingliani, Durtlang Mel-5 tih loh chu an boral zo ta. A pianpui unau te chu, an upat dan indawt in: 1. Lalhnuaia (Patea) (L) (27.6.1914 – 9.2.1981) h/o Rothangpuii 2. Duhchhungi (L) (1916 – 1933) 3. Upa Vanlallawma (L) (8.1.1918 – 26.9.1994) h/o Zathluaii (L) 4. Vanlaltlana (6.8.1921 – 22.1.2011) h/o Chawngzikpuii 5. Hon.Lt. (Rtd) Chawngthansanga (L) (5.8.1923 – 24.8.2009) h/o Lalhliri (L) 6. Chawngliani (L) (1925 – 1947) 7. Biakliana (L) (1927 – 1941) 8. Chawngthuami (L) (1929 – 1931) 9. Lalhmingliani (26.5.1932) w/o Vanlalliana (L) 10. Seizika (L) (1.4.1936 – 22.1.2008) h/o Rinthangi Thlarau lam nun:               Rawngbawlna lamah chanchin sawi tur ropui tak anei hran lo. Durtlang Mel-8 a an awm lai chuan Thuhril rawngbawltu, Naupang Sunday School Zirtirtu leh inkhawmna a zai hruaitu a ni thin. Zaikhawmna ah pawh, a ni khuang vuak hunah chuan zai pawh a tui nge nge thin an ti. Durtlang a sawikhawm an nih hnu ah pawh Senior Department Zirtirtu te a ni chhunzawm. Solfa hla a ni emaw, lengkhawm zai a ni emaw, Pathian faka zai hi a nuam tih ber a ni a, a thih dawn darkar thlengin hlim takin Pathian fakin a zai a ni. Lehkha chhiar peih tak, a bawksawp hnu ah pawh a hmuh ang ang chhiar thin mi a ni a. Bible a ngaina em em a, a thih dawn thlenga a Bible chang duhber chu Johana 14:1- "In thinlung mangang suh se; Pathian in ring e, kei pawh mi ring ve rawh u". tih hi a ni. A hun hnuhnung lam:                 Mahni tawk ah pa hrisel leh chak a ni a. Amaherawhchu, kum 2006 lam atang khan sciatica natna avangin che sawn hleithei lo in a awm a. A kum alo upa chho ve tawhin, a taksa te alo chaklo tawh bawk a, natna dang neih vang pawh nilo in a bawksawp tan a, chaw pawh a mutna khum ah pek a ngai ta hial a ni. Hetiang a nih avang hian a fapa Rev Lalramliana Pachuau te pawhin an rawngbawlna hmun lamah pawh an hruai thei talo a. A makpa Laltanpuia te bulah awm in, an ni chhungkua in duat tak leh hmangaih takin an enkawl a. Sciatica bakah zunkawng thalo a nei tel a. A taksa ah na leh hrehawm erawh a nei lo. A boral ni zingah pawh Pathian fakin a zai a, hlim takin khumah tukthuan a ei mek lai in, nat lawk leh buai pawh awm loin, hahdam takin hlim taka a fak thin Pathian hnenah min lo chawlh san ta a ni. Ka sual rit tak phurh leh lei ninawm hi (KHB No: 367) sa in a vuina hun hi tih tawp a nita a ni.