(Thian te u ! Veilam sira links-te khi click la, he site hi khawngaihin min tlawh kual sak ve dawnnia)
 
PIAN LEH MURNA:

            Thlahtu bul hriat phak chinah Lalsihneha`n Reka a hring a, Reka`n Khuangchawnga a hring a, Khuangchawnga`n Lianbela a hring a, Lianbela`n Kapphunga, Sumkhuma leh Zakhuma te unau a hring a. Chuauhang Khuanglawi an ni. Lianbela leh a fa te chu Khawruhlian atangin Durtlang Mel-8 din tirh in an pem lut a. Seizika hi ni 1 April, 1936 ah Durtlang Mel-8 (Selesih) ah Upa Zakhuma (L) leh Saplutthangi (L) te fa naupangber ni in alo piang a. A nu, Saplutthangi chu Chhingi leh Bawihpawnga te fa neih chhun a ni a. A pi, Chhingi unau te chu Zovi, Dosatthanga (Mel-8 Lal) leh M.Suaka (Durtlang Lal) te an ni. A pu Bawihpawnga chhungte lam kan hre lo. Ni 3 July 1962 ah khan Sihphir khua, Kapchhunga (L) leh Laldailovi (L) te fanu, Rinthangi nen an innei a. 1967 ah Rambuai avangin Durtlang ah hruaikhawm an ni a. Mel-8 chu Sawrkar in farm atan a la zui zel a, Mel-8 khua chu alo tiau nghal ta bawk. Durtlang atang hian Sawrkar hna a thawhna hmun hrang hrang ah a pemkual a, kum 1988 ah Durtlang ah chhungkua a lokir leh in an awm nghet ta a ni. 

A FA TE:

            Lalthangliani w/o Dr.S.R.Zonunthara

 A PIANPUI UNAU TE: 

            1. Lalhnuaia (Patea) (L) 27 June 1914 - 9 
                February   1981, h/o Rothangpuii  

            2. Duhchhungi (L) 1916-1933

            3. Upa Vanlallawma (L) 8 January 1918 - 26   
                September 1994, h/o Zathluaii

            4. Vanlaltlana (L) b.6.8.1921 h/o Chawngzikpuii 
                (Kawngi).

            5. Chawngthansanga (L) b.5.8.1923, h/o Lalhliri

            6. Chawngliani (L) 1925-1947

            7. Biakliana (L) 1927-1941

            8. Chawngthuami (L) 1929-1931

            9. Lalhmingliani (L) b.26.5.1932, w/o Vanlalliana (L)

          10. Seizika (L) b.1.4.1936-22.1.2008, h/o Rinthangi

 ZIRNA LAM:

            Zirna lam ah thui tak a kal lo. Kum 1944 ah Pu LT Chianga Sikul Mel-8 ah lut tan in, Pawl Thum hi Pu Biaka Sikul, Durtlang Mualveng atangin 1948 ah a zova, Pawl 6 hi Pu Liana Sikul- Govt. ME School Durtlang ah kum 1951 ah a zova. Pawl 6 a zilai in a pa in a boral san. Pawl 7 hi Mizo High School, Aizawl ah a zova. A U Lura ( a pa Kapphunga fapa upa ber) te in Durtlang ah awm phei in, hemi atang hian ke ngat in Aizawl ah Sikul an kal. Hetianga lehkha a zir lai hian a nu, Saplutthangi chu tar chak lo, khua pawh hmu mang tawh lo, luna reng mai a ni a. A nu a ngaihtuah leh lunglen vangin ‘lehkhazir pawh rilru ah a awm thei` lo a ti. Sum hmun rirek a piang Zualko thawm ni turah ngai in, hlauthawng reng reng in a awm a ni awm e. Pawl 8 chu kum chanve chauh a kal a, pawl 7 thleng chauh a zo ta a ni. Lehkha a zir sang lo na a, lehkhazir ngaisangber te zing a mi a ni ve ngei ang. A fate hnena a fuihna thin te chu, ‘Mi chhuhsak theih loh thiamna in neih hi ka duh ber`,  tih leh, "Ro sum thih san tur kan nei dawn lo che u a, chuvangin lehkha hi tha takin in zir tur a ni." tih te a ni. Amah atang hian thil tamtak a faten an zir chhuaka, a bik takin English-ah nasa takin an sawtpui a ni

EIZAWNNA LAM:

            Kum 1955 ah Aizawl Community Development Project hnuai a Sheep Rearing Center, Neihbawih ah a pu Dr.Zokhuma te duhsakna in Fourth Grade ni in a thawk a. Hemi atang hian CD Project (CD Bock) hmunpui Bawngkawn ah 1964 ah transfer a ni a. Hotute leh a thian Pu R.Kuala (Mission Vengthlang) te duhsakna leh puihbawmna avangin, kum 1966 February khan Silchar ah VFA training tura tirh a ni a. A training tirh hian zirlai dangten kum chanve lai an lo zir tawh bak ah, Matric pass lo a nih avangin an Principal chuan alo lawm lo hle a ni awm e. A theihtawp a chhuah a, an Principal duhsak ber zinga mi ni thei in a zir chhuak a ni. Rambuai avanga khaw khawm kum 1967 ah khan Durtlang ah lut in, kum 1968 January ni 19 ah khan VFA hna thawk tanin Aizawl Dispensary ah thla ruk a thawk a. Hemi atang hian June 1968 ah Tlungvel PPV ah post a ni a. Kum 1969 ah chhungkua in Tlungvelah chhovin 1973 thleng an awm a, heta tang hian Thingdawl Poultry Demonstration Farm ah i/c Farm Manager turin sawn a ni a. Kum 1983 ah Selesih Poultry Farm ah sawn a ni leh a, hemi atang hian kum 1988 ah E.Lungdar RD Block ah JEO in a kal a. Kum 1993 khan Selesih Poultry Farm ah sawn let a ni leh a, hemi hmun ah hian a pension February 1998 thleng a thawk. Kum 1988 hian ama in Durtlang ah chhungkua in an awm nghet tan a ni. A insakna hmun hi a u Upa Vanlallawman ram a sahthlak na ah a ni a, a u chungah hian amah leh a fate an lawm hle. In ropui tak nilo mahse a theih tawka a sak ve a ni a, a pension hnu thleng pawhin a saknana a sum puk pawh ala rul tang tang ani. Sorkar hna a thawh lai hian theih tawka rinawm mi a ni, "mihring bum thei mah ila Pathian a bum theih loh" tih hi a nupui fanau te bula a sawizin pawl tak a ni.

A natna lam: Kum 2005 chho atang khan hritlang khawsik a neichho in a lana thei hle thina, thlasik lai phei chuan a khawsik hian a tibuai zual hle thin, in entirin chuap leh lung lam ah duhthusam lohna a nei tih hriat a ni a, kum 2005 x'mas dawn khan Amri Hospital, Kolkata ah hruaithlak a ni a, hetah hian chuap natna(pulmonary fibrosis) a neiin a chuap chu a tha tawh lo hle tih hmuh chhuah a ni a, amah phei chu a dam viau a, ka dam khawp mai ka tha leh mai ang tiin hlim takin an haw leh a, kum 2007 chu dam takin a chuangkai a, kum laihawl atangin a chakvak thei ta lova, inchhung bak pawnlam a chhuak peih ta meuh lo a, kum tawp lamah phei chuan a khum bet chho ta a, theih tawpa a nupui leh fa ten a tul ang ang a an enkawl pawh in a tha hleithei ta lova, ani erawh chuan Pathianah damna chang intiin hlimtakin a hun a hmanga, tawngtai a peihin Pathianthu sawi nuam a ti em em reng a ni. A natna chu Pathian ah hlimna leh lawmna ah chantirin, na mahse a hlim em em reng a, a tu leh fate tan a tawngtai reng thin. Oxygen te hipin hun engemaw chen a awm hnu in ni 22.1.2008 zinglam dar 7 rik hma deuh khan min hmangaihtu leh kan hmangaih chuan min boral san ta a ni. 

He site ilo tlawh avangin ka lawm e, he thu i chhiar atanga nangmah nen in kungkaihna kan lo nei renga i hriat chuan, khawngaih in min hriattir dawnnia, unau inhre tawh lo te in pawh thar leh nana kan hman theih chuan a lawmawm ngawt ang.
Contact:   Dr.P.C.Lalsangzuala at  
                   drestee18@rediffmail.com