Dr P.C.Lalawmpuia

                                   VUINA PROGRAMME

                                       VUI HUN                    : 15.01.2015, 1:00 p.m.

                                       VUITU                        : Pro. Pastor Malakia Lalnunfela

                                       Dept. aiawh thusawi   : PC Lallawmsanga IPS,

                                                                                           Principal Secretary, DM&R

                                                                                                   Obituary                      :  Lalzirmawia Chhangte,

                                                                                                                                           Addititional Secretary, School Education

                                       Chhungkaw thusawi   : Pastor Lalbiakchhunga Pachuau

                                                   Vuina                             :

                                       Hla sakho                      : KHB 4

                                    Malsawmna                   : Vuitu

A chanchin tlangpui:

Dr. PC Llalawmpuia hi Pu Seizika (L) leh Pi Rinthangi te inkarah May ni 24. 1970, 3:00 PM khan a pa sawrkar hnathawhna hmun, Tlungvel khuaah a piang a. Pastor Lalchama kutah Baptisma a chang a ni. September ni 21, 1995 khan R. Dokhuma leh Ramthianghlimi Sailo te fanu Lalbiaktluangi Colney nen Durtlang Kohhran Hall-ah inneiin fapa pathum an nei a, an fate  chu:

1.                               1. Vanlalrammawia Pachuau (K-19) (HSSLC)

2.                              2.  Vanlalmalsawma (K-16) (Class –XII)

3.                              3.   Lalruatfela (K-14) (Class-X)

Amah hi Pathian tih mi tak niin, Kohhran leh khawtlangah pawh a theih ang tawkin a inhmang ve thin. Dr. P.C. Lalawmpuia hian kum 1991 khan Kristian Thalai Pawl Durtlang Branch-ah Finance Secretary hna a lo chelh tawh a, kum 1992-ah Secretary hna a chelh leh bawk a ni. Khawtlang lamah pawh sulhnu a nei nual a, kum 1990 vel bawr khan Section-ah te leader a ni a, kum 2014 khan YMA Durtlang Branch-ah Vice President nihna chelhin a hnu kum 2015-ah Senior Adviser hna a chelh leh a ni. A dam loh chhung hian "The Institute of Christian Religion" – John Calvin-a ziah chu Mizote tana rohlu tling tur a nih ringin  Mizo tawngin a let a, mahse a taksa a lo chak loh tak zelah chuan a let chhunzawm thei ta lo a ni.

A Unaute:

1.      Lalthangliani w/o Dr. S.R Zonunthara, Dawrpui.

2.      P. Lalremruata h/o Lalnuntlani, Kawnpui.

3.      Dr. PC Lalsangzuala h/o Dr. Lalnuntluangi Hmar, Durtlang.

4.      Rev. Lalbiakchhunga Pachuau h/o Rosangpuii Shillong.

5.      Dr. PC. Lalawmpuia h/o Lalbiaktluangi Colney, Durtlang.

6.      PC Lalbiakhluna h/o Lalngaihzuali, Durtlang.

7.      PC Lalchhuanakwmi w/o Rev. F. Pachhunga, Karbi Anglong.

8.      Lalfakzuala Pachuau h/o Lalhmangaihi, Durtlang .

A                A hnathawh chhung hian Pathian zarah leh an hotu/thawhpuite zarah fak a hlawh ve hle thin a, rinawm leh dik taka hna thawh duh mi a nihna hian mi zah a hlawhtir hle thin a ni. Mizoram Sorkar-ah hna pawimawh tak tak a thawh zingah Finance Department-a a thawhna leh Mizoram Finance Commission-a a thawhnaah te hian fak a hlawh hle a. Thirteenth Finance Commission atana Mizoram Sorkar inbuatsaih laiin a buaipui tur officer zawn laiin ani hi Silchar Mizoram House atangin Finance Department-ah lak luh a ni a, Under Secretary, Finance Department-in dah a ni.  Chutiang tak chuan tling takin hna hlenin Mizoram Sorkar-ina FC-XIII a Memorandum a siam zawng zawng siam chhuaktuah a tang a. FC-XIII hnuaia Mizoram Sorkar-ina sum a hmuh dan kawng hrang hrang duang chhuak a, ruahmanna siamtu zingah a tang chhunzawm a. Chutiang bawkin FC-XIV atana ruahmanna siam kawngah sulsutu a ni leh bawk. Tin, Mizoram Sorkar-in ama puala State Finance Commission hmasa ber a dinah khan an mamawh em avangin deputation-a kaltirin Deputy Secretary hna a chelh a. He Finance Commission hnathawh kalphung zawng zawng te duang chhuakin a kipui ber a ni a. A taksa a lo chak loh chhoh avangin a tawp lamah a chhunzawm mumal thei ta lo a ni.

A Mizia:

                Mizo pa tak mai niin rilru nghet tak pu mi a ni. Pathian tihna thuk tak a nei a, a bula awm a nuam hle. Khawtlang nun leh sukthlek lam ngaihvena zir chik mi tak niin Mizoten hma kan sawn theih nana rilru seng thin mi a ni.  A thawhpuiten chuan, zahawm taka nunphung nghet tak nei, hlauhawm si lo, tawng tam lo, hriatna ril tak nei leh mi nawlpui ngaihtuahna phak bak ngaihtuah thleng thin, uangthuang lo leh nelawm tho bawk si a ni an ti.

                A sorkar hnathawh kawngah mi kutfai leh rinawm niin a thawhpuiten an sawi thin a. Tin, a hnathawhnaah reng reng tih tak taka thawk thin a nih bakah midangte kawng kawhhmuhtu a ni thin. Hleih neihna leh inpawngnekna lam chi reng reng a duh lova, chutiang laka mipui venhim hi Sorkar tihtur pawimawh nia ngai tlat thin mi a ni bawk. Dan lalna hmanga inenkawl leh dan hmanga zalenna ngaisang mi a ni. A subject Sociology lama a thiamna hian thui tak a hnathawhnaah a kaihruai a tih theih bawk ang.

Tin, chhungkaw khaikhawmtu nih a tling hle. Chhungkaw inkungkaihna ngaihlu tak a nih avangin family tree pawh belhchiantlak  takin a siamchhuak a, a thiltih hian chhungkaw inlamhlat tawhte pawh min hnukkhawm nasa hle a ni. Upa Zakhuma Tute tiin Whatsapp group a siam chhuak a, kan tangkai puiin kan inhriatpawh phah em em a. Kumin Krismas dawnah pawh khan damlo khumbeta mu ber a ni chungin chhungkhat laina khawsak harsa zual Krismas thilpek rawtna a neih bawhzuiin a thei theiin thawhkhawmin  kan ti puitling thei a. A bul tumtu ber niin tlem azawngin kan khing ve a ni mai a. A rilru ropuizia pawh hi chhungkhat lainate pawh hian kan hre phak lo takzet thin a ni.

A nat dan tlangpui:

                Kum 2013 tawp lamah khan a chil lem zawngin thil fel lo deuh awmin a inhria a. Chumi avanga a inentir hnuah a hrawk/aw bawmah fel lo awmin cancer a ni tih hmuhchhuah a ni a. CMC Vellore lamah te treatment a zuk la a. Vellore-ah hian tum 6 kalpui a ni. Zai vawi hnih lai tawkin, a vawi hnihnaah hian a aw bawm (voice box) paih a ni a. Chemotherapy leh Radiation therapy hmang tea a inenkawl hnuah that lam pan zel ni-a inhriain in lamah treatment lak chhunzawm a ni a. Amah pawh hmasawn zel nia kan hriat laiin a nupui fanaute leh a chhungte January ni 14, 2016 zing dar 11:30-ah chatuan ram min lo pansan ta a ni.

Lawmthu Sawina:

Kan fapa a damloh chhung kum 2 lai kan inenkawl chhung hian duhsakna kan dawng nasa em em a. Amah tlawh leh kantu kan nei reng a. Tin, sum leh pai leh thil dangah duhsakna kan dawng nasa em em bawk a ni. Kohhran hote  leh min hmangaihtuten min tawngtaisak nasa hle bawk a ni. Heng zawng zawngah hian kan lawm em em a, kan chunga in thatna hi kan rul seng lovang; Lalpan a let tam takin a rul ang che u tih kan beisei a ni.