Vui Hun : 27.02.2016 (1:00 p.m.)
Vuitu : Pastor J.Lalremsiama
Chhungkaw : Pastor Lalbiakchhunga Pachuau
Vuina : Pastor J.Lalremsiama
Thlanmual : Pro. Pastor Malakia Lalnunfela
A chanchin tlangpui
Pi Rinthangi hi Pu Kapchhunga (L) leh Pi Laldailovi (L) te inkarah Dt. 23.12.1943 khan Sihphir-ah a lo piang a. A nu leh pa lamah pianpui unau 10 a nei a ni.
A pa lama a pianpui unaute:
1. Rinthangi w/o Seizika (L) Durtlang Mel-5
2. C.Zakapthanga h/o Rosangzuali Thakthing
3. Vanlalzuia h/o Rinsiami Muscat, Oman
4. Lalringa h/o Rozami Govt.Complex
5. Liankhuma h/o Biaksangi Sihphir
6. S.Pahlira h/o S.Laldawngliani Sihphir
A nu lama a pianpui unaute:
1. Lalhmangaiha Colney h/o Kaphmingthangi Chaltlang Lily Veng
2. Rinthangi w/o Seizika (L) Durtlang Mel-5
3. Saprema (L) h/o Denglaii Chaltlang Lily Veng
4. Lawmzeli (L) Khawruhlian
5. Thangzami w/o Lalrinawma Ramthar Veng
6. Thanghmingliani Ramhlun North
Kum 1962 July ni 3-ah Pu Seizika nen Sihphir Kohhran Biak Inah Pastor Hranghnuna’n a inneihtir a. Fanau malsawmna mipa paruk leh hmeichhia pahnih an nei a, tu 26 leh tuchhuan 1 a nei tawh a ni.
A fate:
1. Lalthangliani w/o Dr. S.R Zonunthara Dawrpui
2. P.Lalremruata h/o Lalnuntlani Kawnpui
3. Dr.P.C.Lalsangzuala h/o Dr.Lalnuntluangi Hmar Durtlang
4. Rev Lalbiakchhunga Pachuau h/o Rosangpuii Shillong
5. Dr.P.C.Lalawmpuia (L) h/o Lalbiaktluangi Colney Durtlang
6. P.C.Lalbiakhluna h/o Lalngaihzuali Durtlang
7. P.C.Lalchhuanawmi w/o Rev. F. Pachhunga Karbi Anglong
8. Lalfakzuala Pachuau h/o Lalhmangaihi
A pasal Pu Seizika (L) hi A.H. & Vety. Department-a thawk a nih avangin kum 1969 atangin Mizoram hmun hrang hranga an awm kual a, tuna an chenna Durtlang Mel-5 ah hian kum 1988 khan an rawn let leh ta a ni. A pasal Pu Seizika hian kum 2008 January ni 22 khan chatuan ram a lo pan san tawh a ni.
Pi Rinthangi hian lehkha a zir sang lo va, ziak leh chhiar hi a thiam tawk a ni. Chuvangin zirna a ngaisang a, a faten lehkha an thiam loh a hlau em em thin. Chuvang chuan a faten lehkha an zir theihna turin a pasal hlawh belhchhah nan puan a tah a, a thui bawk a, mi hnuaiah pawh a inhlawhfa hial thin; a fate zirna atan hian a theih tawk a chhuah a ni.
Mi taima a ni a, a fate tirh ai chuan amahin tih zawh vek a duh hial thin a. A taimak avang hian a awrawl rin chang leh han vin changte chu nei ve bawk mahse, a fate tan nu tha ber erawh a ni thung. A phak tawkah Pathian tih mi a ni a, chhangchhiat avangin fianrialna hun a neih loh avangin ek in hi Pathian pawlnan a hmang mai thin. Pathian Ram thilpek a ngaipawimawh em em a, a theih hram chuan inkhawm thulh
duh lo mi a ni.
A nat dan
Kum 2014 November thla laihawl vel atangin a pum a sawisel a, a inentir hnuin a pumah tui siak ngaiin a awm a. A natna chu chi bawm cancer a ni tih hriat chhuah zui a ni a, a natna hi a dul lamah a lo tai darh viau tawh mai a. Tichuan, chemotherapy vawi 4 lain kum 2015 April ni 27 khan New Life Hospital-ah zai a ni a. Hetah hian a theih chen chen paihsak a ni. Hemi hnu hian chemotherapy vawi 7 a la leh a. Amah hma a sawn chhovin a tha chho viau va, Biak In te pawh a thleng peih ve leh zauh thin a ni. A puma tui tling hian a tibuai thin hle a, kum 2014 December thla atanga a thih ni thleng hian vawi 14 lai siak sak a ni a, tui pawh a vaiin litre 30 chuang lai siak chhuah a ni.
February ni 14, 2016 ah khan a pum na a ti zual hle mai a, nachhawkna te a chiu hial ngaiin a pum pawh siak ngaiin a awm leh tak avangin a tuk ni 15 ah Synod Hospital-ah lut chho lehin a pum siak leh a ni a, mahse luakin a tibuai chho viau mai a, doctor leh nurse-ten a tul anga theih tawp an chhuah laiin Dt. 27.02.2016 zing dar 1 khan min lo kalsan ta a ni.
Pi Rinthangi hian a nat chhung zawng hian rilru zangkhai tak puin a natna hian a rilru a tihnual ngai lo va, a tu leh fate hmuhah pawh na nei ang leh an rilru tihrehawm tur zawngin a awm duh ngai lo. Natna khirh takin a tlakbuak chung pawhin nu nih tlin taka awmin a chenpuite bulah pawh chak lo tak chung pawhin chawhlui a kilpui hram hram thin a ni. Pathianah a lawmin a kalna tur hi a chiang a, a hun hnuhnungah pawh a thla a muang em em a ni.
.JPG)
